方嘉柏屯重兵

馬場女神-----黎穎珊shanika

小妹今次在【東周網】又有咩重心推介？快D chick入以下的網扯觀看啦！http://eastweek.my-magazine.me/index.php?aid=40682

今次夜馬安排九場賽事，而練馬師方嘉柏就場場有馬出，睇嚟希望可以響主場重新彈甩對手，畢竟現時方嘉柏只係以兩場之先帶頭，對爭冠軍來說當然係未夠穩陣。 方廐九隻參戰馬中，我就最鍾意「薑餅人」，雖然聖誕一早過咗未係食薑餅時候，但睇方嘉柏的部署，應該係希望配合馬房出擊。過往「薑餅人」跑谷草短途一向有非常出色的表現，不計上仗排十二檔起步令到演出失準，過去八次跑谷草1000或1200，共有2冠1亞2季的成績，而今季初更加可以響二班跑第四，現時跑三班賽事實力當然秤先。 睇返當晚賽事，方嘉柏馬房出馬六匹，全部都成為十倍樓下的熱門份子，結果憑「騏名燈」和「喜喜寶」起孖，不過兩匹頭馬都係抽好檔起步，反而「薑餅人」當晚因為排十二檔而全程三疊望空蝕位，根本不足為據，但既然方嘉柏有心安排呢隻馬在同一晚出賽而且有票數支持，「薑餅人」響佢心目中應有一定地位。今次再報首本路程，檔位轉好，更加上邀請了全晚合作最多的李寶利策騎，自然值得再俾機會。

歡迎 Email 給我交流：shanika328@gmail.com
FB FANS PAGE：https://www.facebook.com/ShanikaLaiFansClub

投注策略: Q過關二串三

第七場9「萬眾期待」拖2「嘉應小子」、4「紅簿仔」、1「新妙星」、6「金像神話」
第八場 1「薑餅人」拖5「舞林高手」、6「福嘉皇」、3「如虎添翼」

苗廄屯重兵

馬場女神---黎穎珊shanika

小妹今次在【東周網】又有咩重心推介？快D chick入以下的網扯觀看啦！http://eastweek.my-magazine.me/index.php?aid=40625

羊年到，小妹先恭祝各位馬迷「場場勝利」，大彩池「手到拿來」，有家室的朋友當然就要「添丁發財」，但最重要係人人都能夠「開心健康」！ 上星期看報紙有提及今年的「桃花王」在年宵開放第一天已經賣出，相信新主人必定桃花長旺，而小妹買不起桃花王，但簡單佈置一個桃花陣，相信都會有所幫助。 講起佈陣，今次苗禮德馬房肯定大舉出擊，出馬九匹，當中「好事必得」為今季馬房變倍器，而「和順超影」、「多多勁驥」、「雅寳」、「珍珠有利」、「雄心巨龍」及「好健康」為今季馬房搏失馬，而我較喜歡苗廄「和順超影」，呢隻馬在季初的時候配合馬房另外一隻變倍器「人強馬勁」出擊成功起孖，「人強馬勁」在季內已取得三捷，但「和順超影」之後兩場跑1600米都未能贏馬，確實有點失望。不過今次練馬師再度安排「和順超影」縮程1400米，看來已承認這匹馬寧願跑短的事實，成績應該會比之前兩次跑1600米好，可以作為馬膽看待。 值得一提的是當日(十月十二日)，苗禮德馬房有一匹大冷門「雅寶」跑入第三，而今次又安排同日出賽，看來今次呢個出擊陣隨時可以交出坐三望四場頭馬呢！

歡迎 Email 給我交流：shanika328@gmail.com
 FB FANS PAGE：https://www.facebook.com/ShanikaLaiFansClub

投注策略: Q過關二串三

第六場10「正大光明 」拖 9「明多多」、4「精壯神駿」、1「仁仁友福 」、13「創基寶」

第八場 2「和順超影」拖3「好健康」、6「得盛」、4「貳寶」

「魔法豪情」水準夠



馬場女神-----黎穎珊shanika

小妹今次在【東周網】又有咩重心推介？快D chick入以下的網扯觀看啦！http://eastweek.my-magazine.me/index.php?aid=40483

在社交網站中看到貝湯美在剛星期一榮升為爸爸，而小男孩亦已經取名為Kaiden，人逢喜事自然精神爽，相信今天來到香港客串，應該會有所收穫。雖然貝湯美只得四駒上陣，但小妹對他在兩場一級賽中的坐騎其實並不看好，反而在第十場賽事的「魔法豪情」，更可望為這位新任爸爸爭取到成績。

今天是一級大賽日，追捧大摩馬房是合理的做法，可是他在兩場大賽的參賽馬又未見得突出，「魔法豪情」上次出爭香港經典一哩賽，對手是「美麗大師」「大印銀紙」等高分馬，能夠跑第四已算有交代。而在上賽輪馬後，大摩安排不少拍跳的準備功夫，這鏡頭在最近兩次賽前亦在常睡，看來練馬師似乎有意要盡力為「魔法豪情」打開勝利之門。 也許是今季幾場賽事的表現未符預期，所以馬主決定請回去季兩次策騎「魔法豪情」的貝湯美重臨效力，誠意十分可嘉，加上此駒演出夠準，作為尾場馬膽最適合不過。

歡迎 Email 給我交流：shanika328@gmail.com
FB FANS PAGE：https://www.facebook.com/ShanikaLaiFansClub

投注策略: Q過關二串三

第八場 4「旺財生暉」拖 7「旅遊仁義」、1「貝連利」、9「飛霹靂」、2「金獅叻將」

第十場 4「魔法豪情」拖 3「共創美夢」、1「夢仙」、8「興趣」




 

 

「牽動美麗」部署出擊

馬場女神-- 黎穎珊 Shanika

小妹今次在【東周網】又有咩重心推介？快D chick入以下的網扯觀看啦！http://eastweek.my-magazine.me/index.php?aid=40400

小妹鍾意扮靚靚，所以周不時都會去化妝品連鎖店shopping，揀揀下通常都會買過籠，埋單時都真係幾肉赤，所以當「美麗」系出賽時，都會份外留意，如果有機會的話當然會落注多少，希望取緒「美麗」，用於自己嘅美麗，嘻嘻！今次夜馬有「牽動美麗」登場，呢匹馬第一次報跑三班80分賽事，以佢過往兩季都能夠響二班贏同程，實力當然超級。而今次「牽動美麗」的操練手法亦配合得到告東尼馬房一向的部署，連日來快試均由兩位徒弟同副練馬師包辦，然後打皇牌報跑今場盃賽，當然係搏殺先兆。

講開盃賽，同系的「美麗大師」會在星期日跑一級賽香港經典盃，而「美麗大師」一向由郭能策騎，上次更加贏一級賽香港經典一哩賽，馬主當然錫到佢燶，所以今次「牽動美麗」放棄用過往贏馬組合蔡明紹，似乎亦有點道理，即管睇下今次可唔可以先贏場三班盃賽，再響星期日大賽揚威啦！

歡迎 Email 給我交流：shanika328@gmail.com
FB FANS PAGE：https://www.facebook.com/ShanikaLaiFansClub

投注策略: Q過關二串三

第四場 9「蜜圈」、 4「春意溢然」、7「東成西就」、1「大哥哥」、10「醉中意」

第六場 1「牽動美麗」、 11「獅鷲」、7「勝算高」、2「好易搵」

「大收成」有力補中

馬場女神-- 黎穎珊 Shanika

小妹今次在【東周網】又有咩重心推介？快D chick入以下的網扯觀看啦！http://eastweek.my-magazine.me/index.php?aid=40273

剛週三小妹在家看夜馬直播，主持人一再提及當晚有幾匹上賽「搏失馬」順利補中，當中「光輝之星」和「神州魅力」都是上賽在陣中受阻而敗，結果再出立即補中，而且「神州魅力」更是落飛贏馬，可見得這個概念是什麼時候都可適用的。
今次賽事高伯新今次出馬六匹，當中「大收成」及「一觸即發」為今季馬房搏失馬，而我較喜歡高廄「大收成」，雖然此駒上仗在同程搏失跑第二，不敵「勁優秀」一又四份三馬位，但當日「大收成」臨場票數狂落，只跑第二肯定不服氣，所以高伯新立即再報名，擺明希望要拼個明白，騎練方面今季合作過19次得1冠3亞1季的成績，今次繼續配上李寶利，而搏失馬大多可以在短期補中，相信「大收成」亦不會例外。

歡迎 Email 給我交流：shanika328@gmail.com
 FB FANS PAGE：https://www.facebook.com/ShanikaLaiFansClub

投注策略: Q過關二串三

第二場 4「大收成」、6「及時取勝」、5「連冠勇將」、12「鑽飾傳奇」、13「名馬」

第七場 5「活力寶」、2「御皇鷹」、3「飲食世界」、7「金鹿」、9「寶貝王」

葉楚航屯重兵

馬場女神-- 黎穎珊 Shanika

小妹今次在【東周網】又有咩重心推介？快D chick入以下的網扯觀看啦！http://eastweek.my-magazine.me/index.php?aid=40166

葉楚航是一位作風非常鮮明的練馬師，今季已取得十六場頭馬，雖然比例上是田草八場、谷草七場、泥地一場，與過去比較集中在快活谷出擊有點不同，但仍不失是馬迷的最佳捧場對象。為什麼小妹會有這種感覺呢？因為航哥有14場頭馬，當中有11匹是大熱或次熱身份，如果自己喜歡葉楚航馬房的馬是有飛數支持，當然信心更加十足。航哥與潘頓一直合作無間，可是今次夜馬排位時卻只得一匹「自成一格」是安排由潘頓策騎，而剛好潘頓亦因為未能出賽而需換上後備騎師，航哥的預知能力真的厲害呢！

 

今次航哥出馬5隻，當中「駿多樂」、「自成一格」、「大寶藏」及「軍駒」為今季馬房搏失馬，而我較喜歡航哥「大寶藏」，呢隻馬響季內曾由潘頓策騎在同程贏過馬，當時被追捧至2.4倍的大熱門身份，可是之後三次上陣都未見再用贏馬配搭，而且最近兩次更是去到不合腳法的沙田上陣，票數亦完全冷落，明顯信心不大。今次回到首本的谷草1200米，而且落返三班跑，整個部署都是搏殺先兆，當然我也不明白為什麼排位時不是配潘頓，但原來李寶利早前也替同馬房的「運財福星」取勝，合作也算是愉快。難得的是同場對手中，未有一匹在季內曾經贏過三班賽事，相信「大寶藏」可以延續熱門演出準繩的優異成績。

 

歡迎 Email 給我交流：shanika328@gmail.com
 FB FANS PAGE：https://www.facebook.com/ShanikaLaiFansClub

 

投注策略: Q過關二串三

 

第三場 3「又襟又準」拖7「海紅寶」、2「銀飛龍」、5「光輝之星」、12「熱刺小馬」

第七場 2「大寶藏」拖1「華麗登場」、3「爪皇盛水」、7「如虎添翼」、12「星運俊爵」

 

「旅遊首席」力求補中

馬場女神-- 黎穎珊 Shanika

小妹今次在【東周網】又有咩重心推介？快D chick入以下的網扯觀看啦！
http://eastweek.my-magazine.me/index.php?aid=40116

女仔貪靚係天性，當然亦會相當注重身型啦，有時食多咗少少，第二日都會著深色衫遮下個小肚腩。諗諗下突然又醒起，一隻馬的毛色會唔會影響到個外型的觀感呢？有福氣的女仔通常會避開著淺色衫，難怪我週不時睇到灰馬嘅身型不時都會偏肥多少啦，但到底係真肥還是視覺上的偏差呢？就要現場先睇得清楚了。

「至叻熊」今季跑過三場，最近兩次響田草千二米已經有一亞一季，而呢隻灰馬仲係三歲BB仔，所以衝刺時仲會左片右片，相信會愈來愈進步。 仲有一件事就係對上幾次見到隻馬仲有多少肥，到底係Baby fat定因為灰色睇落覺得肥？相信今次會比較清楚了，因為根據馬會公佈的體重，「至叻熊」比上次又再瘦咗，如果同第一次出賽時比較，更加輕咗廿幾磅，身輕自然跑得比較快，今次一於吼住佢！

另外，高伯新今次出馬六匹，當中「傑飛」及「智者」為今季馬房變倍器，而「甜城效應」及「旅遊首席」為今季馬房搏失馬，而我較喜歡高廄「旅遊首席」，此駒今季初出，可惜遇上惡馬「日威夜威」、「貝連利」，只能得第三，上仗增程200跑1600米，排11檔，還要孭重膀132膀，最後都只能夠跑第四返黎，距離頭馬只有1-3/4而已，今次跑返首本路程，除去鼻箍換上眼罩，排2檔，形勢上會較為有利。騎練今季合作過58次得3冠6亞10季的成績，反映出相當合拍，今次繼續交由杜利萊執韁，有力補中！！

歡迎 Email 給我交流：shanika328@gmail.com
 FB FANS PAGE：https://www.facebook.com/ShanikaLaiFansClub

投注策略: Q過關二串三

第五場 5「至叻熊」拖3「傲飛星」、4「吉利高」、1「電訊波士」、10「保羅威威」

第九場 3「旅遊首席」拖6「超凡夢想」、13「藍天飛馬」、4「開心旅程」、1「一馬當先」