同路人馬收穫不菲

Shanika Lai

恭喜發財！祝大家勝利、事事順意、好易揾多多利！之前經常提及馬主與練馬師關係密切者，巧合地會聯袂搏殺，以近數仗為例，送歲戰幸運系的「幸運金龍」與「綫路明星」埋Ｑ，初三又有「蓬萊仙子」、「幸運雄威」串了條近三千五百元Ｑ，還有「幸運聖」、「喜蓮芳芬」ＰＱ，雖然養在東廄的「幸運勝利」當時只跑第四，但同路人馬收穫不菲，巧合之事陸續有來，大家多細心留意，自有回報。

第六場扶輪百週年挑戰盃1650米賽事，先講今場形勢，「超綵」與「多綵」馬主為兩父子，今次同場角逐，難道想串Ｑ？還是「幸運金龍」食過番尋味，仲有告達理馬房的「叫關快」，此路人馬能控制大局？

今次我看他們未必能如願以償！這場我較喜歡姚廄「非常精」，這匹六歲馬於季初，首次跑谷草一哩即勝，其後再兩戰同程，均遇意外而未能再勝，今次小休個多月才出，賽前由郭能摸實，二月八日試泥地千二米大閘，走勢出色，今仗輝哥出馬四匹，三駒交由郭能執韁，儼如主帥，戰意毋庸置疑，實屬馬膽之選！

第七場100至80分千八米賽事，我揀方廄「喜競寶寶」，季內三戰得兩冠一亞，先贏谷草一哩，再勝谷草千八，轉戰田草千八亦入Ｑ，與上季打比亞軍「同個世界」互有勝負，連拼後練者安排小休，體力充沛，今仗對手並非太強，又排得有利的二檔，況且，回配潘頓更值得重視，騎練季內合作二十八匹次，得八冠五亞一季，剛戰騎練合作勝出「威威具星」，騎練兩人為保榜上領先優勢，必把握良機爭勝。

第八場80至60分千二米賽事，此場相當均勢，姚廄「好精神」較四平八穩，這匹四歲自購馬，前仗初跑同程，即輕勝對手，上仗再爭同程，兩度於直路無路可上，最後只負個半馬位得第五，殊為不值，今仗再戰同程，復課後郭能連操兩課，當中有一課是首匹出試，可見騎者重視，配合馬房攻勢，「好精神」有力食尾糊。

投注策略：三寶及第六、第七口孖寶，單場可補QT

第六場    4「非常精」、2「智高星」、7「超勝多」

第七場    3「喜競寶寶」、8「君河」、10「有運行」

第八場    3「好精神」、9「奇勇」、5「萬醒駒」